1 Դաւիթի Սաղմոս։
1 ա Օրհնիր Տիրոջը, ով իմ անձը, եւ բոլոր իմ ներսը՝ նորա սուրբ անունը։
2 Օրհնիր Տիրոջը, ով իմ անձը, եւ մի մոռանար նորա բոլոր բարիքները.
3 բ Որ ներում է քո բոլոր մեղքերը, գ բժշկում է քո ամեն ցաւերը։
4 դ Որ փրկում է քո կեանքն ապականութիւնից, որ ե պսակում է քեզ շնորհքով եւ ողորմութիւնով։
5 Որ կշտացնում է քո սիրտը բարութիւնով. Եւ քո մանկութիւնը զ նորոգվում է արծուի պէս։
6 է Արդարութիւն է անում Տէրը, եւ իրաւունք բոլոր զրկեալներին։
7 ը Նա իմաց արաւ իր ճանապարհները Մովսէսին, Իսրայէլի որդկանցն՝ իր գործերը։
8 թ Բարեգութ եւ ողորմած է Տէրը. Երկայնամիտ եւ բազմագութ։
9 ժ Նա իսպառ չի բարկանալ, եւ ոխ չի պահիլ յաւիտեան։
10 ի Նա չէ անում մեզ մեր մեղքերի համեմատ. Եւ չէ հատուցանում մեզ մեր անօրէնութիւնների համեմատ։
11 լ Այլ որքան որ բարձր է երկինքը երկրիս վերայ, այնքան զօրաւոր է նորա գութը իրանից վախեցողների վերայ։
12 Որքան որ արեւելքը հեռու է արեւմուտքիցը, խ այնքան նա հեռացրեց մեզանից մեր յանցանքները։
13 ծ Ինչպէս որ հայրը կ’գթայ որդիներին, այնպէս գթած է Տէրը իրանից վախեցողներին։
14 Որովհետեւ նա գիտէ մեր կազմուածքը. կ յիշում է որ հ հող ենք մենք։
15 ձ Մարդիս օրերը խոտի նման են. ղ ինչպէս դաշտի ծաղիկը՝ այնպէս ծաղկում է։
16 Երբոր քամին անցնում է նորա վերայ, նա էլ չ’կայ. ճ եւ նորա տեղը այլ եւս չէ ճանաչում նորան։
17 Բայց Տիրոջ ողորմութիւնը յաւիտենից մինչեւ յաւիտեանս իրանից վախեցողների վերայ է, եւ նորա արդարութիւնը՝ մ որդկանց որդիների վերայ,
18 յ Նորա ուխտը պահողների վերայ, եւ նորանց վերայ որ յիշում են նորա պատուիրանքները նորանց կատարելու համար։
19 ն Տէրը երկնքումը հաստատեց իր աթոռը, շ եւ նորա թագաւորութիւնը տիրում է բոլորին։
20 ո Օրհնեցէք Տիրոջը, ով նորա հրեշտակներ՝ հզօր զօրութեամբ, չ որ կատարում էք նորա խօսքը. Նորա խօսքի ձայնը լսելով։
21 Օրհնեցէք Տիրոջը, պ ով նորա բոլոր զօրքեր՝ ջ նորա պաշտօնեաներ, որ կատարում էք նորա կամքը։
22 ռ Օրհնեցէք Տիրոջը, ով նորա բոլոր արարածներ, նորա տէրութեան ամեն տեղերումը. ս օրհնիր Տիրոջը, ով իմ անձը։
Սաղմոս 103